عجبي .. تيران وصنافير وبعدهم الصحافيين

زجل نقدي عن ما يدور بداخل الشارع المصر ي من جدال 
عن الجزيرتين تيران وصنافير  وبعض النقابات منها الصحافيين
بعنوان

عجبي .. تيران وصنافير و بعدهم الصحافيين

يا رواد الكلمة ويا كل الأعلاميين والصحافيين
مين قال أن في صحافي على راسه تاج ولا على الأكتاف نياشين
هما مش أنبياء ولا رُسل وعايزينا من وراهم نصلي ونقول أمين
إللي يغلط يا نقابة وينادي بأعتصام ضدد أم المصريين
يبقى خاين وعايب ويستحق ينعزل يكون من المساجين
بيقولوا أن الأمن أقتحم النقابة وعلشان كده زعلانين
أقتحام أيه دول أثنين غلطوا وكانوا مطلوبين
راحوا أستخبوا في النقابة آل يعني راح يكونوا فيها محميين
راحوا أعتصموا علشانهم أعضاء النقابة آل إيه زعلانين
وبالتنديد والتهديد عايزين كذا.. طالبين
وكذا دي فيها من الطلبات من مين ومين
طلبات مقحفة وساقوا وراهم بالموافقة الغالبية من الصحافيين
غرور وكبر على كل من على راس الدولة قائمين
أقالة وزير داخلية وأسف من مجلس وزراء أم المصريين
وكمان أعتذار رياسي والأجابة تكون لهم أمين
ليه يعني هما مين وفين عايشين
مفيش برج عالي يحمي  حد من تنفيذ القوانين
يمكن في خطأ حدث في التنفيذ  لكن برضه لمصلحة مين
 لكن مايستحقش عشانها تتصاعد المشكلة فوقوا بقة يانايمين
بعدين يازعلانين عشان الجزيرتين
مين قال أن تيران وصنافير كنا فيها ساكنين ولا عايشين
دي أمانه يابهوات  كنا عليها قائمين بعد حرب وأحتلال فلسطين
وللحبايب أخفينا حقوقهم بتفاق بين الدولتين
وعشان متحتلش من عدونا أسرائيل فكنا عليها حاميين
سنين طويلة ماعليها غير حماية دولية وبعض من قواتنا الأمنين
وجيه الوقت خلاص وأتردت لصحابها اللي أمنونا عليها من سنين
مصر عمرها ما كانت دولة إحتلال ولا من المُحتالين
وعمرها ما تجيب خاين على كراسيها وما كانش منهم لمصر حد من الخاينين
رئيس يا جماعه بيرد حق لآصحابة وشاهدة عليه بنت زعيم الخالدين
هدى عبد الناصر قدمت وثائق تثبت حق السعودين
وتيران وصنافير أيه راح ينقص من شعب مصر لو ردت لأصحابها الحقيقين
ياعشاق الكلمة أنتم ناس متفتحين ولازم تكونوا فاهمين
ده أسفين من الأسافين اللي كانوا أعداءنا لنا بها ناويين
يوقعوا بين شعبين وحكومتين متماسكين
عشان نتفرق وبكل واحد منا يستفردوا ونكون متفككين ومنقسمين
لكن مصر والسعودية راح يكونوا أمن للعروبة وحصن أمان للملايين
وعجبي

بقلمي

خالد العطار